ಒಂಟಿ ಮರ

ನಗದಿರಿ ಹಸಿರುಹೊತ್ತ ಮರಗಳೇ
ಬೆತ್ತಲಾದ ನನ್ನ ನೋಡಿ
ನಾನೂ ನಿಮ್ಮಂತೆಯೇ ಇದ್ದೆ
ಮೈತುಂಬ ಹಸಿರು ಇತ್ತು
ಮಡಿಲ ತುಂಬ ಹಣ್ಣು ಕಾಯಿ
ತುಂಬಿ ತುಂಬಿ ತುಳುಕುತಿತ್ತು
ಹಲವು ಹಕ್ಕಿಪಿಕ್ಕಿಗಳಿಗೆ
ನನ್ನ ರೆಂಬೆ ಮನೆಯಾಗಿತ್ತು

ಕಳೆದುಕೊಂಡೆ ಎಲ್ಲವನ್ನೂ
ಬಂದು ಬಳಗ ಗೆಳೆಯರನ್ನು
ಹಾಡಿನಲಿವ ಹಕ್ಕಿಗಳನು
ಹಸಿರು ಹೊರುವ ರೆಂಬೆಗಳನು
ನೆಲದೊಲಿಳಿದ ಬೇರುಗಳನು
ಮತ್ತೆ ಬೆಳೆವ ಶಕ್ತಿಯನ್ನೂ.

ನಡುಗಡ್ಡೆ

ಸುತ್ತುವರಿದ ನೀರ ನಡುವೆ
ಮುಳುಗಿ ಉಳಿದ ನೆಲದ ಮೇಲೆ

ಒಣಗಿನಿಂತ ಕೊರಲು ಕುಂಟೆ
ಅಳಿದು ಉಳಿದ ಹಸಿರ ಉಸಿರು

ಹೇಳುತಿಹುದೇ ತನ್ನ ಕಥೆಯ?
ನಾವರಿಯದ ಒಡಲ ವ್ಯಥೆಯ.

ಜನಕೆ ಬೆಳಕು ನೀಡಲೆಂದು
ತನ್ನ ಜೀವ ಒತ್ತೆ ಇಟ್ಟು

ಮುಳುಗಿ ಸತ್ತ ಬಂಧುಗಳನು
ನೆನೆಯುತಿಹುದೆ ಕಣ್ಣೀರಿಟ್ಟು..?