ಮೌನ
ಮಾತುಗಳು ಸೋತಾಗ
ಮೌನ ಮಾತಾಡಿತು
ಮಾತುಗಳ ಪರಿಮಿತಿಯ
ಮೀರಿ ಮಾತಾಡಿತು
ದಿನ ನಿತ್ಯದ ಲೋಕದಲಿ
ಮಾತುಗಳೆ ಮುಂದು
ಗಾದೆ ತಾ ಹೇಳುವುದು
ಜಗಳವಿಲ್ಲದಕೆಂದು
ಮನದ ಡುಗುಡವ
ಬಿಚ್ಚಿ ಹೇಳುವುದೆ ಮಾತು?
ಪದಪುಂಜ ಬರಿದಾಗಿ
ಮುದುಡುವುದು ಸೋತು
ಆ ದುಗುಡ ಬಿಂಬಿಸಲು
ಮಾತೇಕೆ ಬೇಕು?
ಕ್ಷಣ ಮೌನ ನಿಟ್ಟುಸಿರು
ಕಂಬನಿಯೇ ಸಾಕು.
ಮಾತುಗಳು ಬಡಿಯುವುಡು
ಕಿವಿಯ ತಮಟೆಗಳನ್ನು
ಮೌನವು ತಟ್ಟುವುದು
ಹೃದಯದ ಕದಗಳನ್ನು
ಭೋರ್ಗರೆವ ಕಡಲಿನ
ಅಲೆಯಂತೆ ಮಾತು
ತಣ್ಣನೆ ಹರಿಯುವ
ಜಲದಂತೆ ಮೌನ
ಕಡಲಿನಲೆಗಳ ಹೊಡೆತಕ್ಕೆ
ಒಡೆಯುವುದು ಕಲ್ಲು
ಹರಿವ ನೀರಿನ ಒಲುಮೆಗೆ
ಕರಗುವುದು ಕಲ್ಲು
ವ್ಯವಹಾರಿಕ ಲೋಕದಲಿ
ಮಾತುಗಳೆ ಶಕ್ತಿ
ಭಾವನಾ ಲೋಕದಲಿ
ಮೌನವೇ ಭಕ್ತಿ
Monday, February 04, 2008
Subscribe to:
Post Comments (Atom)
2 comments:
ಗಿರೀಶ,
"ಆ ದುಗುಡ ಬಿಂಬಿಸಲು
ಮಾತೇಕೆ ಬೇಕು?
ಕ್ಷಣ ಮೌನ ನಿಟ್ಟುಸಿರು
ಕಂಬನಿಯೇ ಸಾಕು."
ಈ ಸಾಲುಗಳು ತುಂಬಾ ಇಷ್ಟವಾದವು. ಚೆನ್ನಾಗಿ ಬರೆಯುತ್ತೀರಿ.
ಇನ್ನೊಂದು ಬ್ಲಾಗ್ ನಲ್ಲಿ "ಕಾಡುವ ನೆನಪುಗಳು" ಕೂಡ ತುಂಬಾನೆ ಇಷ್ಟಾಯಿತು. ಮತ್ತೆ ಮತ್ತೆ ಬರುವ ಮನಸ್ಸಗ್ತಾ ಇದೆ.
ನಿಜಕ್ಕೂ ಮಾತು ಬೆಳ್ಳಿ ಮೌನ ಬಂಗಾರ.
Post a Comment